Azərbaycanın görkəmli dövlət xadimi, cumhurriyyətimizin qurucu liderindən olan Məhəmməd Əmin Rəsulzadənin Novxanı qəsəbəsində yerləşən barelyefini oğurlayan şəxs polis əməkdaşları tərəfindən saxlanılıb.
Novxanı bələdiyyəsindən verilən məlumata görə, bu, həmin qəsəbədə yaşayan Emin Məmmədov adlı şəxsdir.
Daxili İşlər Nazirliyinin Mətbuat Xidmətindən "AzPolitika.info"ya verilən məlumata görə, yanvarın 15-də Abşeron rayonu Novxanı kəndində yerləşən körpələr evindən Rayon Polis İdarəsinə müraciət edilərək uşaq bağçasının inzibati binasının divarına asılmış M.Ə.Rəsulzadənin barelyefinin naməlum şəraitdə oğurlandığı bildirilib.
Araşdırma zamanı həmçinin məlum olub ki, barelyefi oğurlayan şəxslər onu hissələrə ayıraraq paytaxtın Binəqədi rayonu və Sumqayıt şəhərində yerləşən metal qəbulu məntəqələrinə satıblar. Barelyefin hissələri polis əməkdaşları tərəfindən metal qəbulu məntəqlərindən aşkar olunaraq maddi sübut kimi götürülüb.
Faktla bağlı Abşeron RPİ-də araşdırmalar davam etdirilir.
Şərhlər
Ay bitərəf. Sənin kimilər üçün verilən mübadilələr haramın olsun. Belələrinə ən ağır cəzanı vermək lazımdır. Bir büt üstünə üç söz üçün iki gənci 7-10 il məhbus həyatı yaşamağa məcbur edənlər, kormusunuz, karmisiniz?Bu milli şərəf məsələsidir. Bu məsələdə heç bir güzəşt ola bilməz!
Ağır cəza vermək lazimdir ..