Bakı Apellyasiya Məhkəməsində Türkiyənin Azərbaycanda fəaliyyət göstərən “ÖZ-AK” Tarım Gida və Turizm Sənayi və Ticarət Anonim Şirkətinin Samir Kazımlıya qarşı apellyasiya şikayəti ilə bağlı qərar açıqlanıb.
"Report"un xəbərinə görə, hakim Raqib Qurbanovun sədrliyi ilə keçirilən prosesdə qərar elan olunub.
Qərara əsasən, şirkətin apellyasiya şikayəti təmin edilməyib. Eyni zamanda Samir Kazımlının da apellyasiya şikayəti təmin olunmayıb. Birinci instansiya məhkəməsinin çıxardığı qətnamələr dəyişdirilmədən saxlanılıb.
Qeyd edək ki,“ÖZ-AK” Tarım Gida və Turizm Sənayi və Ticarət Anonim Şirkəti S.Kazımılını məhkəməyə verib. Yasamal Rayon Məhkəməsinə müraciət edən şirkət vurulmuş zərərin əvəzinin ödənilməsini tələb edib. S.Kazımlı da məhkəmədə zərərin əvəzinin ödənilməsi barədə tələb irəli sürüb.
Məhkəmə qətnamə çıxararaq, ilkin iddianı (şirkətin) qismən təmin edib, qarşılıqlı iddianı (S.Kazımlının) isə rədd edib.
Daha sonra iddiaçı və cavabdeh tərəf ayrı-ayrılıqda apellyasiya şikayəti ilə Bakı Apellyasiya Məhkəməsinə müraciət edib.
Xatırladaq ki, S.Kazımlı Milli Məclisinin deputatı, Azərbaycan Sosial Rifah Partiyasının sədri Xanhüseyn Kazımlının oğludur. Millət vəkilinin digər oğlu Fəxri Kazımov isə "Azərbaycan İpoteka və Kredit Zəmanət Fondu"nun İdarə Heyətinin sədridir.
Məlumata görə, 2016-cı il noyabrın 2-də deputata məxsus ev ilkin satış qiyməti 700 min manat olmaqla “Əmlak İxtisaslaşdırılmış Hərrac Mərkəzi” MMC tərəfindən hərraca çıxarılıb.
Şərhlər
Ay Millət,Azərbaycan Rifah Partiyasının səsini eşidəniniz varmı? BU qondarma partiya təsis olandan bu günə qədər onu tanıyan var? Bəs bu nə partiyabazlıqdır? Ölkədə əhalinin 95-99 faizi heç Xanhüseyn Kazımlını tanımır.BU spekulyasiya kimə və nəyə gərəkdir.Bir partiyanın ki,, məramı millətə bəlli olmaya, səsi çıxmaya,heç bir xalq toplusunda görünməyə belə qondarma partiyanı qeydiyyata almaqda,saxlamaqday, hətta ona büdcə ayırmaqda qaranlıq məsələlərin olduğu aşkar deyilmi?Partiya xalqın qarşısına çıxmalı,