Avstraliyanın şərqindəki Brisbeyn şəhərinin beynəlxalq hava limanı fövqəladə vəziyyətə görə polis tərəfindən təxliyyə edilib.
“Report” xəbər verir ki, bu barədə Kuinsland ştatı polisinin “Twitter”dəki səhifəsində məlumat verilib.
Məlumatda beynəlxalq terminalda naməlum şəxsin polis tərəfindən nəzarətə götürüldüyü, terminalda axtarış aparıldığı bildirilib və vətəndaşlar hava limanından uzaq olmağa dəvət edilib.
KİV-in məlumatına görə, hava limanının terminalına əlində bıçaq olan naməlum şəxs daxil olduqdan və bomba partlaması təhlükəsi iddiasından sonra polis tərəfindən vurulub.
Hadisə yerinə polis və tibb işçiləri cəlb olunub.
Şərhlər