İnzibati Xətalar Məcəlləsində rəsmi nikah sənədi olmadan kəbin kəsən mollalar üçün məsuliyyətin müəyyən edilməsi zərurəti var.
Trend-in məlumatına görə, bunu Ailə, Qadın və Uşaq Komitəsinin sədri Hicran Hüseynova bildirib.
Onun sözlərinə görə, Azərbaycanda bütün məscidlərdə dini kəbin kəsdirən şəxslərdən Ədliyyə Nazirliyi Vətəndaşlıq vəziyyəti aktlarının dövlət qeydiyyatı (VVAQ) şöbələrinin rəsmi nikah sənədi tələb olunur.
H.Hüseynova deyib ki, Qafqaz Müsəlmanları İdarəsinin Qazılar Şurasının fətvası ilə rəsmi nikahsız kəbin kəsilməsinə qadağa qoyub:
“Lakin bununla yanaşı, biz görürük ki, çoxlu sayda cütlüklərin rəsmi nikahı olmasa da, dini kəbinləri var. Əlbəttə ki, belə ailələrin hüquqlarını müdafiə etmək bir qədər çətinlik yaradır. Xüsusilə də erkən yaşda nikaha girən qızların hüquqlarının müdafiəsi çətin olur. Buna görə də İnzibati Xətalar Məcəlləsində rəsmi nikah sənədi olmadan kəbin kəsən mollalar üçün məsuliyyətin müəyyən edilməsi zərurəti yaranır. Nəzərinizə çatdırım ki, BMT-nin Qadınlara qarşı ayrı-seçkiliyinin bütün formalarının ləğv edilməsi üzrə Komitəsinin ölkəmizlə bağlı tövsiyələrində də bu öz əksini tapıb”.
Şərhlər
Rəsmi nigaha girmək könullu bir ittifaqdır.Dini nigah isə islam dininə görə vacibdir və mutləqdir.İlk nişan gunundən nigah baglanmazsa,gənclərin əl-ələ toxunması,belə zina hesab olunur və böyuk gunahdır.İnsanların bir çoxu vətəndaş nigahında yaşayır və dini kəbin kəsdirirlər.Bu insanların haqqı və huququdur.Əks-təqdirdə zinadan dogulanların sayı artacaq.Hicran xanımın bu təklifi absurddur,dinimizə ziddir və insanların azad iradəsinə basqıdır. Bunu tətbiq etmək olmaz. Kimin agılına nə gəlir onu da təklif edi