İranın qeyri-neft sektorunda mal idxalatında Türkiyə 3-cü yerdədir.
“Report” “Yeniakit”ə istinadən xəbər verir ki, bu barədə Tehranın Ticarət Palatsı məlumat yayıb.
Son bir ildə Türkiyə İrana 2 milyard 261 milyon dollarlıq mal ixrac edib.
Birinci yerdə 9 milyard 375 milyon dollarlıq ixracatla Çin qərarlaşıb. Birləşmiş Ərəb Əmirliyi isə hesabat dövründə 5 milyard 919 milyon dollarlıq mal ixrac edib. 4-cü yeri 2 milyard 211 milyon dollarlıq ixracatla Hindistan, 5-ci yeri Almaniya (2 milyard 177 milyon dollarlıq), 6-cı yeri İsveçrə (bir milyard 989 milyon dollar) tutur. Rusiya isə 1 milyard 139 milyon dollarlıq mal ixrac etməklə 8-ci yerdədir.
Şərhlər