Əfqanıstanda polis idarəsinə hücum edilib.
"Report" "Tolo News"a istinadla xəbər verir ki, hadisə ölkənin şimalında, Baglan vilayətinin Puli-Xumri şəhərində baş verib.
Hücum zamanı 5 nəfər həlak olub, daha 50 nəfər yaralanıb. Hücumun təfərrüatı açıqlanmır.
Hadisəyə görə məsuliyyəti heç bir qruplaşma üzərinə götürməyib.
Daha əvvəl Əfqanıstanın təhlükəsizlik qüvvələri ölkənin şimal-şərqindəki Bağlan vilayətində radikal "Taliban" hərəkatının silahlılarının hücumlarını dəf ediblər.
Şərhlər