Azərbaycanda bir çox qalmaqallı məhkəmə işlərinə baxmış, tanınmış ictimai-siyasi fəalların haqqında hökmlər çıxarmış Ənvər Seyidovun hakimlik fəaliyyətinə xitam verilib.
Məlumata görə, Ə.Seyidov yaş həddi ilə əlaqədar (martda 70 yaşı tamam olub-red.) təqaüdə göndərilib. Ə.Seyidov Bakı Ağır Cinayətlər Məhkəməsinin hakimi idi. Bundan öncə o, Zaqatala və Cəlilabad rayon məhkəmələrinin hakimi olub. Ardınca Cəlilabad Rayon Məhkəməsinə sədrlik edib.
1994-99-cu illərdə həm də Mərkəzi Seçki Komissiyasının təftiş qrupunun rəhbəri olub.
Ə.Seyidov akademik Ziya Bünyadovun qətlinə görə həbs olunanların işinə baxıb. Keçmiş müdafiə naziri Rəhim Qazıyevin, «Səidin dəstəsi» adıyla dövlət çevrilişinə cəhddə suçlanan 15 nəfərin, o cümlədən Səid Dadaşbəylinin haqqındakı hökmü də o çıxarıb. Onun son illərdə ən qalmaqallı hökmlərindən biri də gənc fəal Qiyas İbrahimov haqqında olub. Prokuror Qiyasın 9 il azadlıqdan məhrum edilməsini istədiyi halda, Ə.Seyidov ona daha ağır - 10 il həbs cəzası vermişdi. (Azadlıq.org)
Şərhlər
Mən elə bildim ki, Ənvərə ölüm hökmü verilib.Onun bu ölkədə yaşamağa haqqı yoxdur...
Allah bu adama 100 il ömr versin ,amma qalan mwddətini yataqda ağrılarla keçirməsi millətə haqsız verdiyi qərarlar layiqli cavab olardı. O bunu haqq edib.
Yaxşı pul topladı.Çoxlu obyektləri var.Bəlkə də xaricdə villaları sıralanır.Haqsızlığa imza ata-ata yığıb varidatı..
....Allah belasini verecek ...
cox yaxinda ozu hakim qarwisina cixar ve etdiyi gunah-cinayetlerin cavabini verer
Allah o qədər ömür versin ki, etdiyi haqsızlığın cəzasını bu dünyada ala bilsin. İNŞƏALLAH.
Senin bu olkede yasamaqa haqqin oldu Enver Seyidovun olmadi?....qarqis etmez, ayibdi.