«AzPolitika.info»-nun xarici KİV-ə istinadla verdiyi xəbərə görə, Yaponiyada Amerika Birləşmiş Ştatlarının (ABŞ) prezidenti Donald Trampla görüşdən sonra, Türkiyə Cümhuriyyətinin (TC) prezidenti Rəcəb Tayyip Ərdoğan jurnalistlərə bildirib ki, Rusiya S-400 raket-müdafiə sistemlərinin Türkiyəyə tədarükü yaxın 10 gün ərzində baş tutacaq («İnterfaks»).
Bundan əvvəl ABŞ prezidenti Donald Tramp bəyan etmişdi ki, Vaşinqton S-400 sistemləri üzrə vəziyyətin dəyişməsi üzərində «işləyəcək». Onun sözlərinə görə, lap əvvəldən Türkiyənin «Petriot» ZRK-nı ABŞ-dan almaq istəyində olduğu nəzərə alınarsa, bu məsələdə Ərdoğanın günahı yoxdur. Onu da nəzərə almaq lazımdır ki, bu sövdədən ABŞ-ın əvvəlki administrasiyası imtina edib.
Bununla belə, «Məsələ ilə bağlı Türkiyəyə qarşı sanksiyalar tətbiq olunmayacaq ki?» - sualına Tramp cavab verməyib.
Şərhlər