Dövlət Qulluğu Məsələləri üzrə Komissiya 90 dövlət orqanında inzibati vəzifələrin beşinci-yeddinci təsnifatlarına uyğun olan 933 vakant dövlət qulluğu vəzifəsinin tutulması üçün elan etdiyi müsabiqənin nəticələrini açıqlayıb.
Sentyabrın 11-də yayılan rəsmi məlumatda deyilir ki, ən son mərhələdə – müsahibə mərhələsində iştirak edənlərin 395-i uğur qazanıb.
Daha çox namizədin uğur qazandığı dövlət orqanları bunlardır:
Dövlət Statistika Komitəsi – 65% (müsahibə üzrə qeydə alınmış 46 namizəddən 30-u);
Əmək və Əhalinin Sosial Müdafiəsi Nazirliyi – 48% (69 namizəddən 33-ü);
Gənclər və İdman Nazirliyi – 46% (41 namizəddən 19-u);
Vətəndaşlara Xidmət və Sosial İnnovasiyalar üzrə Dövlət Agentliyi – 44% (70 namizəddən 31-i);
Dini Qurumlarla İş üzrə Dövlət Komitəsi – 44% (25 namizəddən 11-i);
İqtisadiyyat və Sənaye Nazirliyi – 41% (75 namizəddən 31-i);
Dövlət Torpaq və Xəritəçəkmə Komitəsi – 39% (28 namizəddən 11-i).
Şərhlər