Avqustun 23-də Özbəkistanın paytaxtındakı ən böyük bazarlardan birində («Malika») milis işçiləri onlarla saqqallı kişini saxlayaraq, şöbəyə aparıblar. Orada onların saqqalını qırxandan sonra, azad ediblər.
"AzPolitika.info"-nun məlumatına görə, bu barədə «BBC»-nin özbək xidməti xəbər verib.
Analoji reyd avqustun 24-də də təkrar olunub. Saxlanılanlardan birinin danışdığına görə, milis əməkdaşları uniformada və mülki geyimdə saqqallıların hamısını saxlayaraq, onları Daşkənd Daxili İşlər Baş İdarəsinin 4-cü şöbəsinə aparıblar.
«Orada bizi türməyə basmaqla hədələdilər: Əgər saqqılınızı qırxmasanız, buradan çıxmayacaqsınız! Saqqalı qırxmağa razı olan kişiləri və oğlanları buraxdılar, müqavimət göstərənləri şöbədə saxladılar» - deyə, saxlanılanlardan biri danışıb.
Özbəkistan müsəlmanları dini idarəsində baş verənlərə ehtiyatlı şəkildə etiraz etməyə cəhd göstəriblər.
«Saqqal saxlamaq hər bir müsəlman üçün sünnədir. Yalnız saqqal saxladığına görə vətəndaşların sıxışdırılması - qanunazidd hərəkətdir» - deyə, dini idarənin anonim nümayəndəsi deyib.
Daşkənd şəhərinin milis idarəsi bu informasiyanı nə təsdiqləyib, nə də təkzib edib.
Xatırladaq ki, Özbəkistanın hüquq-mühafizə orqanların əməkdaşları saqqlal sağlamağı “Hizb-ut-Təhrir” tipli dini təşkilatına və ya “Vəhabiliyə” aid olmaq əlaməti, hətta sübutu kimi baxır. Bunu isə dövlət əleyhinə fəaliyyət hesab edir.
AzPolitika.info
Şərhlər