Raket və Kosmik Sənayesi Tədqiqat və Sınaq Mərkəzinin (SIC RCP) ərazisində qapalı bir obyektə girmək istəyən 17 nəfər tutulub.
Virtualaz.org yerli KİV-ə istinadla bildirir ki, bu barədə “Roskosmos”un mətbuat xidməti məlumat verib.
Məlumatda bildirilir ki, mərkəzin mühafizəçiləri əvvəlcə damda və həssas obyektin içərisində şəkil çəkmək istəyən 3 nəfəri tutublar. Ərazidə tutulan şəxslər polisə təhvil verilərkən məlum olub ki, daha 50-yə yaxın cani obyektə girməyi planlaşdırır.
Polisin verdiyi məlumata görə, tutulan şəxslər "avadanlıqla əlaqədar vandal hərəkətlər" etməyi planlaşdırıblar.
Daha sonra isə mərkəzin təhlükəsizlik xidməti obyektə nəzarət qurğusu quraşdırıb. Sentyabrın 8-i səhər saatlarında obyektin mühafizəçiləri nəzarət məntəqəsində və mərkəzin perimetri ətrafında daha 14 nəfəri saxlayıblar. Saxlanılan şəxslər yaxında olan polis şöbələrinə təhvil verilib.
Şərhlər