Sumqayıtda zəncirvarı qəza baş verib.
APA-nın yerli bürosunun məlumatına görə, hadisə şəhərin Babək küçəsində qeydə alınıb. "Opel Zafira" markalı avtomobil qarşısında hərəkətdə olan "VAZ-21015" markalı avtomobilə dəyib. Zərbənin təsirindən "VAZ-21015" markalı avtomobil "Mercedes"ə çırpılıb. Yoldan çıxan "Mercedes" ağaclara dəyib.
Qəza nəticəsində 3 nəfər xəsarət alıb. Xəsarət alanlar xəstəxanaya yerləşdirilib.
Faktla bağlı araşdırma aparılır.
Şərhlər