Birləşmiş Ərəb Əmirliklərinin (BƏƏ) Səhiyyə Nazirliyi yeni növ koronavirusa yoluxma ilə bağlı daha iki halın qeydə alındığını açıqlayıb.
Bu barədə “Report” xarici KİV-ə istinadən xəbər verir.
Nazirlikdən 70 yaşlı İran vətəndaşı və onun həyat yoldaşının virusa yoluxduğu bildirilib. Hazırda kişinin vəziyyəti qeyri-sabitdir, o, həkim nəzarəti altındadır.
Virusa yoluxmuş insanlarla əlaqədə olanların hamısı yoxlamadan keçiriləcək.
Qeyd edək ki, BƏƏ-də ümumilikdə 13 yoluxma halı aşkarlanıb, 3 nəfər artıq sağalıb, dünyada isə bu infeksiyadan ölənlərin sayı 2300-ü ötüb.
Şərhlər