Azərbaycan Xarici İşlər nazirinin müavini Xələf Xələfov KİV-in sullarını cavablandırıb.
- Araz çayı üzərində Xudafərin və Qız qalası hidroqovşaqlarının və su elektrik stansiyalarının tikintisi haqqında saziş barəsində nə deyə bilərdiniz?
- Araz çayı üzərində “Xudafərin” və “Qız Qalası” hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş 23 fevral 2016-cı il tarixində imzalanmışdır və bu Sazişin tərəfləri Azərbaycan Respublikası və İran İslam Respublikası Hökumətləridir. Bu Saziş hər iki dövlətin suverenliyinə və ərazi bütövlüyünə hörmət etmək prinsiplərinə əsaslanır. Həmin prinsiplərdən çıxış edərək, Sazişdə BMT Qətnamələrinin tələblərinə uyğun olaraq Azərbaycan Respublikasının ərazi bütövlüyünün bərpa olunmasının əhəmiyyəti vurğulanmışdır. Həmçinin, Sazişə əsasən, tərəflər hər iki ölkənin suverenliyi, ərazi bütövlüyü və mənafeləri əsasında Araz sərhəd çayı üzərində “Xudafərin” və “Qız Qalası” hidroqovşaqlarının və su elektrik stansiyalarının tikilməsinin davam etdirilməsi və istismarı ilə əlaqədar birgə fəaliyyət göstərir.
- Sazişin həyata keçirilməsi ilə əlaqədar mətbuatda toxunulan məsələlərlə bağlı nə deyə bilərsiniz?
- Mətbuatda yer alan körpülərin tikilməsinə Sazişə uyğun olaraq “Xudafərin” və “Qız Qalası” hidroqovşaqları və su elektrik stansiyaları layihələrinin həyata keçirilməsi çərçivəsində baxılmalıdır. İran İslam Respublikasının Səfirliyinin bildirdiyi kimi, bəndlərin və körpülərin Azərbaycan ərazisinə düşən hissəsini İran tərəfi Azərbaycan Respublikasının ərazi bütövlüyü çərçivəsində qəbul edir. Bu, hər iki ölkənin parlamentləri tərəfindən təsdiq edilmiş hüquqi qüvvəyə malik olan sözügedən Sazişdə öz əksini tapmışdır.
İran və Azərbaycan arasında yüksək səviyyəli qarşılıqlı etimad, dostluq və mehriban qonşuluq əlaqələrindən çıxış edərək, inanırıq ki, bu körpülər məhz “Xudafərin” və “Qız Qalası” hidroqovşaqları və su elektrik stansiyaları ilə bağlı layihələrin həyata keçirilməsinə xidmət edir.
Şərhlər
Is bitenden sonra haray salmaqin ne faydasi ola biler. Iran isgal olunan torpsqlarmizda 5korpu tikib , bu hele indi ayilib fikir bildirir. Masallah,senin fealiyyetine! Bu bizim xarici isler nazirliyi!
Ərazidəki su elektrik stansiyalarının tikintisi ermənilərin mənafeyinə hesablanıb.Əlbəttə,Rusiyanın basqısı altında razılaşmanın olması şəksizdir.erməni-rus hərbiçiləri tərəfindən işğal edilmiş ərazilərimizdə ermənilərin xeyrinə aparılan tikinti işləri göstərir ki,bizim tərəfdən heç bir maniə hiss etmirlər..... da Rusiyanın nəzarətini təşkil edən nümayəndədir.Onun dilimizi öyrənməməsi də Rusiyaya güvənindən irəli gəlir.Vətənə görə həqiqəti deməyə borcluyuq.
Bu ərazilər ermənilərin işqalı altındadır. Bu qurqular kimə xidmət edəcək. Orada AZƏRBAYCANLILAR yaşamır.