Gürcüstan Ümumdünya Səhiyyə Təşkilatının (ÜST) koronavirusa qarşı 4 medikamentlə bağlı tədqiqatlarında iştirak edir.
“Report”un yerli bürosu xəbər verir ki, bunu Tbilisi Yoluxucu Xəstəliklər Xəstəxanasının direktoru, virusoloq Tengiz Tsertsvadze “IPN” agentliyinə müshibəsində bildirib.
O deyib ki, Gürcüstan araşdırmalarda iştirakla bağlı təklifi ÜST-dən alıb.
Virusoloq qeyd edib ki, ölkədə 4 dərmanla bağlı sınaqlar 7 klinikada aparılacaq: “Pasiyentlərin araşdırmalara cəlb olunması könüllü əsaslarla olacaq”.
Şərhlər