“GÜNAHI OLANLAR CƏZALANDIRILMALIDIR!” – Mətbuat Şurasının sədri prokurorluqdakı araşdırma haqda danışdı

Xəbər verildiyi kimi, jurnalistlər üçün nəzərdə tutulan binada mənzillərin ədalətsiz bölüşdürüldüyü haqda Prezident İlham Əliyevə müraciət edən bir qrup media işçisi Baş Prokuror yanında Korrupsiyaya Qarşı Mübarizə İdarəsinə çağırılaraq dindirilir.

Müraciətə imza atan 31 media işçisinin ayrı-ayrı vaxtlarda Korrupsiyaya Qarşı Mübarizə İdarəsinə (KQMİ) çağırıldığı, onlara Kütləvi İnformasiya Vasitələrinə Dəstək Fondundan (KİVDF) yardım alan qəzetlərə pulun bölüşdürülməsi, fondun keçirdiyi müsabiqədə birinci yerlərin verilməsi, eləcədə jurnalistlər üçün nəzərdə tutulan binalarda mənzillərin bölgüsündə hansı qanunsuzluqların olması barədə suallar verildiyi bildirilir.

Məsələ ilə bağlı "Criminal.az" saytına açıqlama verən Mətbuat Şurasının sədri Əflatun Amaşov bildirib ki, əgər jurnalistlər hüquq-mühafizə orqanına müraciət ediblərsə, o da bu işin obyektiv araşdırlmasında maraqlıdır: "Mən jurnalistlərin müraciətindən xəbərsizəm. Kimin nə iradı, faktı varsa, Korrupsiyaya Qarşı Mübarizə İdarəsinə təqdim etsin. Mətbuat Şurasının sədri kimi maraqlıyam ki, müraciət edən jurnalistlərin iradları ciddi araşdırılsın. Çünki Fondun yaranmasında, jurnalistlərə mənzil verilməsi üçün binaların tikilməsində mənim də rolum olub. Ona görə istəyirəm ki, araşdırma aparılsın. Nəticələr mənə də maraqlıdır. Mən ev bölgüsündə saxtakarlıq olmasından xəbərsizəm. Müraciət edən jurnalistlərdə faktlar varsa, KQMİ-də söyləyəcəklər. Nəticələr maraqlı olacaq".

Ə.Amaşov deyib ki, bu məsələlərdə kimlər qanunu pozubsa, cəzalandırılmalıdır: “Jurnalistlərə mənzil verilməsi, dünyanın heç bir yerində olmayan təşəbbüsdür. Ölkə rəhbəri jurnalistləri təmənnasız mənzillərlə təmin edib. Bu evlər Prezidentin adı ilə bağlıdır. Ölkə başçısının jurnalistlərə hədiyyəsidir. Bu məsələ açıq və şəffaf olmalıdır. Kimlərinsə zərrə qədər günahı varsa, hüquqi qiymətini almalıdır".

Media nüməyəndələrinin Korrupsiyaya Qarşı Mübarizə İdarəsinə çağırılaraq dindirilməsi ilə bağlı Baş Prokurorluq heç bir açıqlama yaymayıb.

Xatırladaq ki, bir qrup jurnalistin ölkə başçısına müraciətində Prezident Administrasiyasının ictimai-siyasi şöbəsinin sabiq müdiri Əli Həsənov və KİVDF –nin sabiq icraçı direktoru Vüqar Səfərliyə qarşı ciddi ittihamlar irəli sürülüb.

635x100

Şərhlər

Ağayev Ağahüseyn 2020-05-31 17:19:43

Ğünahı olan mən deyiləm ki,ORADA işləyən OVRƏŞLƏRDİR...

Mizan 2020-05-31 13:42:15

Üç milyon ailə, on əhali, beş də işçi Mətbuat, ya QHTyə YARDIM, nəyə görə?

ejder 2020-05-31 11:45:07

BU ANALOQU OLMAYAN HAKIMIYYET...BARMAQLA YOLA VERIR

t.ədalət 2020-05-31 11:16:21

Əflatun Amaşovun mövqeyindən istifadə edib iki nəfərə ev verdirdiyini hamı bilir.Onlardan biri bacısı qızı Sevinc Telman qızıdır.Digəri isə kəndçisi Rəşid Faxralıdır.R.Faxralıya ev verdirmək üçün Sona Vəliyevanın kitablarından birinə ön söz yazmağı ona həvalə etmişdi.Ə.Amaşovun başqa "əliaçıqlığı" da olub.Çünki mənzilləri paylayan zaman onun da rəyi nəzərə alınırdı.

Son yazılar