“Bu günlərdə statistikada dəyişikliklər varsa da, müsbət dəyişikliklərdən söhbət gedir. Amma təbii ki, inkubasion adlanan bir dövr var. Hər hansı bir toplaşma ilə bağlı artım gözlənilsə də, hələ ki, biz bunu görmürük”.
“Report” xəbər verir ki, bunu Səhiyyə Nazirliyinin Aparat rəhbəri Nadir Zeynalov Nazirlər Kabineti yanında Operativ Qərargahın bu gün keçirilən brifinqində deyib.
Aparat rəhbəri “Tovuz istiqamətində gedən döyüşlərdə şəhid olan hərbi qulluqçuların yas mərasimində yaşanan böyük izdihamla əlaqədar olaraq koronavirusa yoluxma sayında mənfi tendensiya gözləyirsinizmi?” sualına isə belə cavab verib: “İnsanların vətənpərvər və emosional duyğuları onları müəyyən sərhədləri keçməyə vadar edir. Amma unutmayaq ki, koronavirus mövcuddur, ona görə də fiziki məsafənin saxlanılması və maskadan istifadə vacibdir”.
Şərhlər
İNDİ DƏ XALQI BUNUNLA ŞANTAJ ETMƏYƏ BAŞLAYIN. BƏSDİRİN DƏ, İNSAFINIZ,DİNİNİZ,İMANINIZ OLSUN