Berlində COVID-19 epidemiyası ilə bağlı tətbiq edilmiş məhdudiyyətlərə qarşı kütləvi etiraz yürüşü keçirilir.
“Report” AFP-yə istinadən xəbər verir ki, səhərdən şəhərin məşhur Brandenburq qapısı yaxınlığında toplaşan, aralarında uşaqlı ailələrin də olduğu etirazçılar hərəkətə başlayıblar. Yürüşü 3 min polis müşaiyət edir.
Şəhər polisinin rəisi Barbara Slovik nümayişçilər 1,5 metr ara məsafə və maska taxmaq qaydalarına əməl etməsələr, onları əngəlləyəcəklərini bildirib: “Bizim on minlərlə adamı müşahidə edib infeksiya təhlükəsi altına girməyə nə gücümüz, nə də həvəsimiz var”.
Polisdən verilən məlumata görə, etirazçıların sayı 18 minə çatıb və artmaqda davam edir.
Qeyd edək ki, son günlər Almaniyada koronavirusa yoluxma sayı artaraq aprel ayında qeydə alınmış ən yüksək həddə yaxınlaşır. Belə ki, son 24 saat ərzində ölkədə 1 474 nəfər yoluxub. Bütövlükdə, pandemiya ərzində Almaniyada 240 986 nəfər yoluxub, bunların 9 289 nəfəri ölüb.
Şərhlər
Məncə, bu COVİD-19 a qarşı deyil? Əslində, milyonlarla insan yaşamını onlarla milyaderə qurban vermiş anti-sosializm rahatsızlığır?
Həmişəki kimi böyük proses yenə də Almaniyadan başlayır,onlar daha ağıllı olduqları üçün haqlarını tələb etməyə başlayıblar,başa düşürlər ki xəstəlik bəhanədir,hüquqları pozulur,ümid edirəm ki,etiraz prosesi tezliklə bütün dünyaya yayılacaqq