“Media forum” saytı xəbər verir ki, Belarus parlamentinin aşağı palatası Avrasiya İqtisadi İttifaqının yaradılması haqqında müqaviləni ratifikasiya edib.
Müqavilənin ratifikasiya olunması haqda qanuna Milli Məclisin Nümayəndələr Palatası oktyabrın 9-da səs verib.
Avrasiya İqtisadi İttifaqı haqqında müqaviləni bu il mayın 29-da Rusiya, Qazaxıstan, Belarus prezidentləri Astana şəhərində imzalayıblar.
Bu sənəd indiyəcən yalnız Rusiyada tam təsdiqlənib.
Qırğızıstan və Ermənistan da bu ittifaqa qoşulmaq niyyətindədir. Oktyabrın 2-də Ermənistan hökuməti Avrasiya İqtisadi İttifaqına üzvlük müqaviləsi layihəsini, oktyabrın 8-də isə Qırğızıstan hökuməti Avrasiya İqtisadi İttifaqına daxil olmaq üzrə tədbirlər planını qəbul edib.
Şərhlər