Tbilisidə Azərbaycan Ordusuna dəstək aksiyası keçirilir.
“Report”un yerli bürosu xəbər verir ki, aksiyada Gürcüstanın azərbaycanlı gəncləri, Azərbaycan vətəndaşları, gürcü və azərbaycanlı ziyalılar iştirak edirlər.
Onlar hərbi vətənpərvərlik musiqi və mahnıların sədaları altında Azərbaycan dövləti və ordusuna, əsgərinə dəstək və “Qarabağ Azərbaycandır!”, “Erməni işğalına son!", "Səninləyik Azərbaycan" şüarları səsləndirirlər.
Hazırda aksiyaçılar Heydər Əliyev adına parka toplaşırlar. Onlar Azərbaycanın Gürcüstandakı səfirliyinin binasına qədər yürüş edəcəklər.
Aksiya səfirliyin binası qarşısında davam etdiriləcək.
Şərhlər