Azərbaycanda koronavirus testinin götürülməsi ilə bağlı məhdudiyyət qoyulub - RƏSMİ
Azərbaycanda COVID-19 testlərinin bitməsi ilə bağlı yayılan məlumatlar həqiqəti əks etdirmir. Bu gün ölkədə koronavirusun diaqnozu üçün kifayət qədər test ehtiyatı mövcuddur.
Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.
"Sadəcə olaraq, gün ərzində götürülən testlərin sayı çox olduğundan labarotoriyaların iş gücünə təsir göstərir. Nəticədə təbii olaraq testin nəticələri bir qədər gecikmiş olur. Bu problemin aradan qaldırılması məqsədilə simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb", - qurumdan bildirilib.
Məlumatda vurğulanıb ki, hazırda ölkədə 37 laboratoriya mövcuddur: "Bu laborotoriyalarda gündəlik 10 000 testin aparılması nəzərdə tutulurdu, artıq müraciətlərin sayı çox olduğundan gün ərzində laboratoriyalara daxil olan test nümunələri nəzərdə tutulduğundan 2 dəfə (19 178) artıb.
Şərhlər
Covid-19-dan ölenlerin testi menfi çıxırsa(tam subut olunmuş əlametler ola-ola). ,bu testlere nece inanmaq olar?
Bunu choxdan etmek lazim idi. Simptom var-xestelik var, simptom yoxdur-xestelik yoxdur. Menasiz testleri aparib, camaati panikaya salmaga ehtiyac yoxdur. Covid -19 -dan ölenlerin testi menfi çıxırsa...