ABŞ -ın yeni prezidenti Coo Baydenin ermənipərəstliyi işə başlamamışdan özünü biruzə verib. Belə ki, o, erməni əsilli Hayk Hajinazarianı (Ike Hajinazarian) öz administrasiyasında Ağ Evin Regional Kommunikasiya Departamentinin rəhbəri təyin edib. Musavat.com bu məlumatı erməni mediasına istinadən yayıB.
Hayk Hajinazarian Baydenin seçki kampaniyasında fəal iştirak edib. Kampaniyaya qoşulmamışdan əvvəl Capitol Hill-də əvvəlcə İndiana ştatından senator Joe Donnelly-nin mətbuat köməkçisi, daha sonra Nümayəndələr Palatası Daxili Təhlükəsizlik Komitəsinin Çoxluq Heyətində Mətbuat Katibinin müavini vəzifələrində çalışıb. Ohayo ştatının Columbus şəhərində, Livanlı-erməni immiqrant ailəsində anadan olub. İndiana Universiteti və Corc Vaşinqton Universitetinin Siyasi İdarəetmə fakültələrinin məzunudur.
Şərhlər
erməniyə vəzifə vermək ermənini sevmək deyil.Mərhum prezideünt H.Əliyev mütəllibovçu Zeynəb Xanlarovanı da deputat seçdirmişdi.