Qaçqınların və Məcburi Köçkünlərin İşləri üzrə Dövlət Komitəsində ölkə rəhbərliyinin qarşıya qoyduğu vəzifələrin icrasını təmin etmək, idarəetmənin səmərəliliyini artırmaq məqsədilə struktur dəyişikliyi aparılıb.
Bu barədə Dövlət Komitəsindən məlumat verilib.
Belə ki, “Hüquq” və “İnsan resursları” sektorları ləğv edilərək, onların bazasında “Hüquq və kadrlar” şöbəsi yaradılıb. “Miqrasiya, məşğulluq və status” şöbəsi “Regional idarəetmə və status” şöbəsi ilə əvəzlənib, həmçinin ayrıca “Məşğulluq sektoru” yaradılıb.
“İnformasiya texnologiyalarının tətbiqi və elektron idarəetmə” şöbəsinin “İnformasiya texnologiyaları” və “Elektron idarəetmə” sektorları birləşdirilib. “Sosial təminat və kommunal xidmətlər” şöbəsinin tərkibindəki “Sosial təminat və kommunal xidmətlər” sektorunun əvəzinə hər iki istiqamət üzrə iki ayrı sektor təşkil edilib. Aparatın tərkibində yeni – “Monitorinq” şöbəsi yaradılıb.
Bundan başqa, komitənin Göygöl və Bakı şəhərinin Pirallahı rayonu üzrə yerli bölmələri ləğv edilib.
Eyni zamanda, Azərbaycan Respublikası Nazirlər Kabinetinin 2020-ci il 30 noyabr tarixli 652s nömrəli Sərəncamı əsasında Dövlət Komitəsi aparatı işçilərinin ümumi say həddi 88-ə çatdırılıb.
Şərhlər
Qacqınkomun rayon şöbələri kimin nəyinə lazımdır, artıq izafi xərçdir... Həmin şöbəyə təyin olunanlar özlərini yaşatmaq yollarını axtarırlar. Belə olmaseydi Ata rəhmətə gedən kimi Oğlunu onun yerinə təyin etməzdilər ? Fəaliyyətləri yoxlanılsın, sonra baxın nələr baş verir.....iolu
Bu təşkilatı və icma rəhbərliyinni ən geci Mart ayında Ağdama, Xankəndinə və ya Şuşaya köçürülməsi məskunlaşma və təsərrüfat-quruculuq işləri üçün çox səmərəli olardı?