“Azəriqaz” İstehsalat Birliyi (İB) abonentlərə təbii qazdan istifadəyə görə SMS bildirişlərin göndərilməsinə başlayır.
Bu barədə "Azəriqaz” İB-dən bildirilib.
Bununla bağlı proqramlaşdırma işləri tamamlanmaq üzrədir. Yaxın 10 gün ərzində proses tam reallaşdırıla bilər. Ümumilikdə Birlik üzrə qeydiyyatda olan 2 milyon 400 minə yaxın əhali abonentinin araşdırma zamanı təxminən 700 minə yaxın olanının mobil telefon nömrələrinin baza məlumatlarında əksini tapdığı məlum olub. İlkin olaraq Bakı şəhəri və Abşeron yarımadası üzrə borcu ən azı 10 manat olan 40 min abonentə SMS bildirişlərin göndərilməsi nəzərdə tutulub. Sonrakı mərhələdə isə proqram təminatı təkmilləşdirilməklə bildirişlərin göndərilməsinin əhatə dairəsi genişləndiriləcək.
Dəqiqləşdirmə aparmaq məqsədilə abonentlərimizdən xahiş edirik ki, istifadələrində olan mobil telefon nömrəsini və qaz sayğacının fotosunu 077 3 104 104 saylı whatsap nömrəsinə göndərsinlər. Onların məlumatları da abonent bazasının mövcud məlumatları ilə bir daha yoxlanılacaq. Əgər bazada, ümumiyyətlə, yoxdursa, əlavə ediləcək.
Şərhlər
Qaz istifadəsinə görə borcla əlaqədar bildiriş yazılaraq istifadəçiyə təqdim edilirdi. Bu qanunvericilikdə də qeyd olunub. SMS göndərmək isə qanunvericilikdə qeyd olunmayıb. Nə üçün vətəndaşın mütləq telefonu olmalıdır? Nə üçün vətəndaş mütləq gələn bütün mesajları oxumalıdır? Bunlar qanunla tənzimlənmədiyi üçün bu metodla xəbərdarlıq rəsmi əməl sayıla bilməz. Mənkəmədə uduza bilərsiz haaa, hörmətli "qazik"lər.