Qax rayonunda məktəb direktoru koronavirusdan dünyasını dəyişib.
"Report"un Şimal-qərb bürosunun məlumatına görə, bu, Qax şəhər 2 saylı məktəb-liseyin direktoru, 1937-ci il təvəllüdlü Şəkər Abdullayevadır.
Qeyd edək ki, 84 yaşlı məktəb direktoru bir müddət əvvəl koronavirusa yoluxub. O, Bakıdakı xəstəxanalardan birində müalicə olunurdu.
Ş.Abdullayeva 1959-cu ildən pedaqoji fəaliyyətinə başlayıb, işlədiyi müddət ərzində 69-a qədər diplom və fəxri fərmanlarla təltif olunub. O, 1979-cu ildən ömrünün sonuna qədər rayonun ən böyük məktəbinə rəhbərlik edib. Ş.Abdullayeva 2005-ci ildə "Əməkdar müəllim" fəxri adına layiq görülüb.
Şərhlər
84 yaşlı direktorun nə işi var məktəbdə.65 tamam vəssalam.Butun sahələrdə buna son qoymaq lazımdır.Təminatlı pensiya verin getsin yaşasın.Yenə də ALLAN rəhmət eləsin.