“Torpaqlarımız 30 il işğal altında olub. Yaxınlarını itirmiş, ata-baba torpaqlarında yaşamaq hüquqlarından məhrum olmuş şəxslərin xatirəsini yaddaşımızdan silə bilmərik.”
“Report” xəbər verir ki, bunu Azərbaycan Respublikasının Prezidenti İlham Əliyev bu gün ADA Universitetində "Cənubi Qafqaza yeni baxış: münaqişədən sonra inkişaf və əməkdaşlıq" adlı konfransda çıxışı zamanı bildirib.
“Biz Ermənistan və qondarma Dağlıq Qarabağ rejiminin liderləri tərəfindən törədilmiş Xocalı soyqırımını, onun qurbanlarını heç vaxt unuda bilmərik. Bu, yaddaşımız üçün çox vacibdir, bunu qəlbimizdə saxlayacağıq. Ancaq eyni zamanda, gələcəyə baxmalıyıq. Lakin işğal altında olmuş ərazilərdəki dağıntılar ən pis gözləntilərimizi üstələdi, çünki az-çox Ermənistanın bu torpaqlarda nə işlə məşğul olduğu barədə məlumatlı idik, bu torpaqları ziyarət edən beynəlxalq nümayəndələrdən müəyyən məlumatlar, foto və video kadrlar alırdıq”, - İlham Əliyev deyib.
Dövlət başçısı bundan əvvəl Dağlıq Qarabağa qanunsuz səfər etmiş əcnəbilərin hazırda beynəlxalq təşkilatlar və media nümayəndələrinin ziyarət etdikləri ərazilərə getmək imkanlarından məhrum olduğunu da qeyd edib.
“Ermənistan hökuməti xaricilərin Birinci Qarabağ müharibəsindən sonra dağıntıları və azərbaycanlılara qarşı törədilmiş nifrəti görməsini istəmirdi. Çünki müharibə zamanı bütün şəhərləri məhv etmək mümkün deyildi. Onları tədricən dağıdırdılar ki, bu torpaqlarda Azərbaycan irsini, mədəniyyətini məhv etsinlər, bu torpaqları yaddaşımızdan silsinlər, bu torpaqların mənsubiyyətini dəyişdirsinlər”, - Prezident vurğulayıb.
Şərhlər
Azərbaycan və ermənistan əhalisi arasında münaqişəni dərinləşdirmək istəyən Rusiya xüsusi kəşfiyyatçıları hər cür alçaqlığa əl atırdılar.Ərazidə qətliamlar törədir,mili irsi məhv edir və qəbir daşlarını dağıdırdılar.Belə hərəkətləri ilə Rusiya ordusu olduğu bütün ölkələrdə yadda qalıblar.Sivil əhalinin,xüsusilə körpələrin qatili olan rus hərbiçilərinin ionsanlıq əleyhinə olduqları dünyaya məlumdur.Rus kəşfiyyatçılarının keçdikləri əraziləri onların törətdiyi əməllərindən tanıyırlar.
Ermənistan yalnız sülh məramlı Azərbaycan və xalqına qarşı tarixin ən vəhşi-hərbi soyqırım cinayəti törədib!