"Avropalılar və amerikalılar əclafın yekəsidirlər" - Lukaşenko

"Avropalılar və amerikalılar ən axırıncı əclafdırlar, belə ki, onlar Covid-19 infeksiyası ilə mübarizədə Belarusa heç nə ilə kömək etmədilər".

Bu barədə mayın 4-də Belarus prezidenti Aleksandr Lukaşenko respublikanın Baş naziri Roman Qolovçenko ilə görüşü zamanı bəyan edib.

«Səfər zamanı mənə məruzə etdilər ki, bəzi anti-covid tədbirlərinin maliyyələşdirilməsi problemi var. Əlbəttə, biz, böyük pullar məsrəf etmişik. Bu avropalılar və amerikalılar axrıncı əclafdırlar. Onlar bizə heç nə ilə kömək etmədilər. Amma ÜST və BMT daim bəyan edirlər ki, kimlərisə dəstəkləmək lazımdır və s. Ancaq kömək etmədilər - lazım deyil, onlardan xahiş etmirik…»

Bu zaman Belarus lideri ölkədə işləyən avropalı biznesi sanksiyalara görə problemlərlə hədələyib və hökumətə tapşırıb ki, ölkədəki böyük avropalı investlayihələr barədə informasiya təqdim etsin.

«Əgər avropalılar sanksiyalarla əlaqəli problemlər istəyirlərsə, onlar onu alacaqlar. Daha heç nə danşmayacam - zaman göstərər. Bizdəki ən iri Avropa layihələri barədə mənə informasiya verin. Onların işinə baxarıq» - prezident bəyan edib.

Lukaşenkonun sözlərinə görə, «heç nə cavabsız qalmamalıdır».

AzPolitika.info