Xırdalan şəhəri Şıxəli Qurbanov küçəsində çoxmərtəbəli yaşayış binasının tikilməsi nəzərdə tutulub. Bu da ərazidə yaşayan sakinlərin haqlı narazılığına səbəb olub.
"Report"un "Baku TV"yə istinadən məlumatına görə, ərazidə tikinti vətəndaş Gülzar Cəlilova tərəfindən həyata keçirilir.
Sakinlərin narazılığına səbəb olan isə Abşeron Rayon İcra Hakimiyyətinin Memarlıq tikinti şöbəsinin layihə əsasında 210 kvadratmetrlik tikintiyə icazə verməsinə baxmayaraq, vətəndaşın 800 kvadratmetrlik üçmərtəbə, bir mansard tipli binanın bünövrəsini qazdırması olub.
"Baku TV" əməkdaşları sözügedən ərazidə olduqları zaman özünü tikintinin sahibi kimi təqdim edən Araz Musayev adlı şəxs çəkilişə mane olmağa çalışıb.
Dünya və Avropa çempionu, Fövqəladə Hallar Nazirliyinin Dövlət Yanğın Nəzarəti Xidmətinin Yanğından İcbari sığorta işinə nəzarət şöbəsinin baş mütəxəssisi Araz Musayev çəkiliş qrupuna hədə-qorxu gəlib. Hətta o, Birinci Qarabağ müharibəsi qazilərini də həmin əraziyə gətirərək jurnalistləri hədələyib.
Şərhlər
Bu Araz Musayev ele adamdı ki onnan heç nazir müavinləri bacarmır, onun adı gelende hamısı deyir sen cani onu bizdən uzaq edin. 2 mesele sakinlər şikayət etmeseydi bu qanunsuz obyekt tikiləcəkdir ve heç kim ne FHN ne İcra hakimiyyəti, ne de polis müdaxilə etmeyecekdi çünki hamısının tasi çatıb . Bir mismar vuran kimi bütün qurumlar tökülüb gəlir