Rusiyanın Kazan şəhərində I MDB Oyunlarının açılış mərasimi keçirilib.
"Report"un yarışa ezam olunmuş əməkdaşı xəbər verir ki, tədbir 9 iştirakçı ölkənin paradı ilə başlayıb.
İlk olaraq, Azərbaycan nümayəndələri səhnəyə çıxıb. Milli musiqinin sədaları altında tədbir iştirakçılarını salamlayan heyətin bayraqdarı yunan-Roma güləşi üzrə yeniyetmələr arasında dünya çempionu və artıq MDB Oyunlarında qızıl medal qazanmış yunan-Roma güləşçisi Həsrət Cəfərov (67 kq) olub. Daha sonra qalan ölkələr səhnə alıblar.
Qeyd edək ki, I MDB Oyunları sentyabrın 11-dək davam edəcək.
Şərhlər