“İranın son dövrlərdəki hərəkətləri Azərbaycanın İkinci Qarabağ müharibəsindəki qələbəsinə münasibətini göstərir”.
Bunu “Report”a açıqlamasında ehtiyatda olan polkovnik, hərbi ekspert Şair Ramaldanov deyib.
Onun sözlərinə görə, rəsmi Tehranın Naxçıvana hərbi təchizat funksiyasını yerinə yetirən Azərbaycan təyyarələrinin uçuşuna qadağa qoyması heç bir effekt verməyəcək və İran istəyinə nail olmayacaq: “Qələbəmizə dostlar sevinir, düşmənlər isə kədərlənir. İranın son hərəkəti də bunun təzahürüdür. Biz Naxçıvan hava yolundan intensiv istifadə etmirik. Alternativ istiqamətləri isə kifayət qədərdir. Bu mənada Naxçıvandakı qüvvələrin hərbi tədürükü əvvəlki tək davam edəcək və cənub qonşumuzun qadağası bizə təsir etməyəcək”.
Qeyd edək ki, APA-nın hərbi mənbələrə istinadən yaydığı məlumata görə, bu gün İran Azərbaycan tərəfinə rəsmi hərbi kanallar vasitəsilə Naxçıvana daha çox hərbi təchizat funksiyasını yerinə yetirən təyyarələrin uçuşuna qadağa qoyulduğunu çatdırıb.
Şərhlər
Dəmir yumruğun mollaların da başına dəyəcəyi günü səbirsizliklə gözləyirik.
müharibə vaxtı iran ermənistana silahı öz hava məkanından daşınmasına icazə vermişdi. İndi iran hava məkanını bizim üzümüzə bağlayır!