Ukraynalı deputat paytaxt Kiyevdə taksidə gedərkən özünü pis edib və dünyasını dəyişib. Anton Polyakov vaxtilə ölkənin baş prokurorunun vəzifəsindən kənarlaşdırılması üçün çalışırdı.
Ukrayna polisinin oktyabrın 8-də yaydığı məlumata görə, ölümün səbəbini müəyyənləşdirmək üçün tibbi ekspertiza təyin olunub.
Polis bildirir ki, Polyakov oktyabrın 8-də səhər taksidə özünü pis hiss edib. Yol-nəqliyyat qaydası pozuntusuna görə saxlanmış taksinin arxa oturacağında huşsuz vəziyyətdə aşkarlanıb. Təcili yardım çağırılıb və həkimlər onun öldüyünü müəyyənləşdiriblər.
33 yaşlı Polyakov 2019-cu ilin iyulunda hakim “Xalqın qulluqçusu” partiyasından parlamentə seçilib. O, həmin ilin noyabrında partiyadan çıxarılıb, qeyri-etik davrandığı bildirilib.
Ancaq Polyakov onda mətbuata demişdi ki, buna ovaxtkı prokuror Ruslan Ryaboşapkaya etimadsızlıq səsverməsi üçün imza toplamağa çağırması səbəb olub. O daha sonra parlamentdə müstəqil deputatlar qrupuna qoşulub.
"AzPolitika.info"
Şərhlər