"Qərb dövlətləri hələ də İkinci Dünya Müharibəsi zamanı verdiyi itkilərə görə Belarusa borcludurlar, buna baxmayaraq yenidən dövlətin ərazisinə soxulub orada hərbi əməliyyatlara başlamağa çalışırlar". "Report" xəbər verir ki, bunu BBC-yə müsahibəsində Belarus Prezidenti Aleksandr Lukaşenko deyib.
“Siz başa düşməlisiniz ki, Belarusda müharibə başlasa, NATO və Rusiya müdaxilə edəcək və bu, nüvə müharibəsi olacaq”, - Lukaşenko vurğulayıb.
Bundan əvvəl NATO-nun baş katibi Yens Stoltenberq Alyansın Belarusla sərhəddəki miqrasiya böhranı ilə bağlı Polşa ilə həmrəy olduğunu bildirib və Lukaşenkonu miqrantlardan başqa ölkələrə qarşı hibrid müharibə aparmaq üçün istifadə etməkdə ittiham edib.
Qeyd edək ki, Belarusun Avropa İttifaqı ölkələri ilə sərhədindəki miqrasiya böhranı 2021-ci ilin yayında Aleksandr Lukaşenkonun qanunsuz miqrant axınına nəzarəti zəiflədəcəyini bəyan etməsindən sonra başlayıb.
Şərhlər
Belarus natonu rusiyanın nüvə silahı ilə hədələyir belədəki dünyada rusiyanın qarşısında hərbi dildə danışacaq dövlət yoxdur
Bəlkə də Lukaşenko səviyyəsində çıxışları ilə mədə bulandıran ikinci dövlət başçısı yoxdur.
Görəsən Belarus bu qədərmi güclüdür, Lukaşenka NATO-nu atomla hədələyir???