İtaliya A Seriyasının 16-cı turunda “Roma” evində “İnter”i qəbul edib. Oxu.Az xəbər verir ki, qarşılaşma Milan təmsilçisinin 3:0 hesablı qələbəsi ilə başa çatıb.
15-ci dəqiqədə “İnter”in türkiyəli ulduzu H.Çalhanoğlu künc zərbəsindən topu birbaşa qapıya göndərib. Qonaqların növbəti qolunu 24-cü dəqiqədə Edin Ceko qapıdan keçirib. 39-cu dəqiqədə D.Damfrays ilk hissəsinin və ümumilikdə oyunun yekun hesabını müəyyənləşdirib.
16 turdan sonra “İnter” 37 xalla ikinci pillədə qərarlaşıb. 25 xala sahib “Roma” isə hazırda beşinci pillədədir.
Şərhlər