Gədəbəy rayonunun hazırda həbsdə olan sabiq icra başçısı Saleh Rüstəmli aclıq aksiyasını dayandırıb. Bu barədə "Report"a Penitensiar xidmətdən məlumat verilib.
Bildirilib ki, hazırda onun səhhəti normaldır.
"AzPolitika"info xəbər verir ki, məlumatı hüquq müdafiəçisi Rüfət Səfərov da təsdiqləyib. "Dostlar, professor Adil Qeybulla az əvvəl Saleh bəyin yanından çıxdı, telefonla danışdıq, bildirdi ki, Saleh Rüstəmli aclığı dayandırıb”- deyə, "Facebook" səhifəsində qeyd edib
Qeyd edək ki, 1992-93-cü illərdə Gədəbəy rayonunun icra başçısı vəzifəsində çalışmış S.Rüstəmli 2018-ci ildə həbs olunub.
Onun barəsində Cinayət Məcəlləsinin 192.3.2 (xüsusilə külli miqdarda gəlir əldə etməklə qanunsuz sahibkarlıq), 193-1.3.1 və 193-1.3.2-ci (mütəşəkkil dəstə tərəfindən cinayət yolu ilə əldə edilmiş külli miqdarda pul vəsaitlərini və ya digər əmlakı leqallaşdırma) və s. maddələri ilə ittiham irəli sürülüb.
Bakı Ağır Cinayətlər Məhkəməsinin hökmü S.Rüstəmli 7 il 3 ay müddətinə azadlıqdan məhrum edilib.
O, bir müddət əvvəl aclıq aksiyasına başlamışdı.
Şərhlər
Düzünü qərar verib. İnsanlara qiymət verməyənlər digərlərinin həyat tehlükəsini dəyərləndirə bilməz.