“Qonşularla ünsiyyətdə olmalıyıq, təcrid xeyir gətirməyəcək” - Erməni nazir

Biz qonşularımızla ünsiyyətdə olmalıyıq.

APA “Sputnik Armenia”ya istinadən xəbər verir ki, bunu Ermənistanın təhsil, elm, idman və mədəniyyət naziri Vaqram Dumanyan deyib.

Nazir bildirib ki, ölkəni təcrid etmək xeyir gətirməyəcək.

Vaqram Dumanyan qonşu dövlətlərin dillərinin ölkənin sərhədyanı kəndlərində tədris edilməsinin vacib olduğunu da vurğulayıb.

“Bu, ünsiyyəti asanlaşdıra bilər”, - erməni nazir əlavə edib.