Rusiyanın Sankt-Peterburq şəhərində islah-əmək koloniyalarındakı məhbuslar “Vaqner” özəl hərbi şirkətinə “könüllü” qismində cəlb olunmağa başlayıblar.
“Report” xəbər verir ki, bu barədə “Vajnıye istorii” nəşrinə məhkumların yaxınları məlumat verib.
“Əvvəlcə dedilər ki, təxminən 20 faiz qayıdacaq. Sonra isə, demək olar, heç kimin qayıtmayacağını. Sağ qalanlara 200 min rubl (6 100 manat – red.) məbləğində mükafat və amnistiya söz veriblər. Ölərsə, ailəsinə 5 milyon rubl (152 500 manat – red.) ödəniləcəyini vəd ediblər. Bütün bunların hamısı sözdədir, kağızda heç nə qeyd edilməyəcək”, - məhbusun qohumu açıqlayıb.
Bildirilib ki, məhkumların Donbasa səfəri etap olaraq sənədləşdiriləcək və sərhədədək konvoylarda aparılacaqlar.
Eyni zamanda onlara ön xətdə olacaqları və heç də hamının qayıtmayacağına dair xəbərdarlıq edilib.
Xatırladaq ki, mayın 31-də Ukrayna Silahlı Qüvvələrinin Baş Qərargahı Donbasda Rusiyaya bağlı “vaqnerçi” muzdluların əksəriyyətinin məhv edildiyini açıqlamışdı.
Şərhlər
Bu mnetod kommunist ideologiyasından irəli gəlir.Lenin də Romanovlar sülaləsini yıxan vaxt çar ailəsini məhkumların əli ilə qanlarına qəltan elədi.Leninçi məhkumlar,hətta çar ailəsinin əlil üzvünü də öldürm\əkdən çəkinmədilər.İndi,Putinin Ukraynada qurduğu "işğal dəsgahı"na nəzər saldıqda Leninin təcrübəsindən yaralandığının şahidi oluruq.Məhkumların yardımına sığınan Putin,görünür,sonuncu imkanını işə salır..