Bakıda yaşadıqları binadan köçmək istəməyən sakinlərin mənzillərinin qapılarının sındırıldığı, evlərinin yararsız vəziyyətə salındığı iddia edilib.
Bununla bağlı vəkil Cavad Cavadov paylaşım edib.
Onun sözlərinə görə, hadisə paytaxtın Yusif Səfərov küçəsində yerləşən binalardan birində baş verib.
Vəkil iddia edib ki, bu işlərə Bakı Şəhər İcra Hakimiyyətinin vəzifəli şəxsi Zülfəli İsmayılov nəzarət edir və tapşırıqlarını verir: “Dünən 27 iyul 2022-ci ildə hüquqlarını müdafiə etdiyim və mənzilini icra hakimiyyətinin şərtləri ilə satmayan Solmaz Həmidovanın 10-cu mərtəbədə yerləşən 34 saylı mənzilinin qapısı sındırılıb, mənzilin içərisi dağıdılıb, yaşayışa yararsız hala salınıb. Bütün qanunsuzluqlar videomüşahidə kameraları ilə lentə alınıb. Bu, əslində qanunsuzluq deyil, vandallıqdır, barbarlıqdır”.
Şərhlər
Alçaqlar ,yadda saxlayın bunlara görə cəzalanacaqsınız.Az qalıb.
Mənzili dağıdanlar cəzalanmalıdırlar. Min bir əziyyətlə mənzilini təmir etdirmiş vətəndaşların şəxsi əmlakını dağıdanlar kimliyindən asılı olmayaraq M.M. ilə cinayət məsuliyyəti daşıyırlar!
Sovetskidə də belə oldu.Vətəndaşları zorla evlərindən çıxarıb küçəyə tökdülər.Ekskovatorlara göstəriş verib evləri sakinlərin və körpələrin üstünə uçururdular.Yasamalın o vaxtkı İH başçısı Əzizov əhaliyə əmri hakimiyyətdən aldığını söyləyirdi.