"Mətbuatda Ukraynaya hərbi dəstəyin azaldılması ilə bağlı yayılan məlumatlar həqiqətə uyğun deyil”.
Bu barədə Almaniya kansleri Olaf Şolts bildirib.
O deyib ki, Rusiyanın Ukraynaya hücumundan sonrakı ilk günlərdən ölkə Ukrayna Silahlı Qüvvələrini silah və sursatla təmin edir.
“Biz əlimizdə olan hər şeyi çatdırdıq: tank əleyhinə və zenit raket sistemləri, minalar, silahlar, tonlarla döyüş sursatı və s. O vaxtdan biz daha mürəkkəb və bahalı sistemlərə keçdik. Özüyeriyən haubitsalar, reaktiv yaylım atəşi sistemlər, zenit raket sistemləri, radarlar. Bu sistemlərin bəziləri o qədər yenidir ki, hətta onlardan çox az bir hissəsi istehsal edilib, bəziləri isə hətta Almaniya ordusunda yoxdur”, - deyə Şolts qeyd edib.
Onun sözlərinə görə, Almaniya Ukraynaya bütün növ, o cümlədən yeni, hətta Bundesverə daxil olmayan silah və hərbi texnika tədarük edir.
Kansler həmçinin bildirib ki, ukraynalılar Almaniyada yeni və daha mürəkkəb hərbi təlimlər keçir: “Biz Ukraynaya gələcəkdə də nə qədər lazımdırsa, o qədər yardım edəcəyik”.
Şərhlər