Rusiyalıların Moskvanı nüvə zərbəsindən müdafiə etmək üçün heç nəyi yoxdur. Rusiyanın nüvə arsenalının yalnız 41 faizi «o saat komanda üzrə» tətbiq üçün nəzəri baxımdan hazırdır.
Bu barədə Feysbuk-da «Defense Express»in hərbi analitiki İvan Kiriçevski danışıb («UNİAN»).
Qərbin analitiklərinin qiymətləndirmələrinə görə, 6 min nüvə döyüş başlığından 1500 döyüş başlığı əslində, öz «yararlılıq müddəti»ni çoxdan ötürüb, ona görə də onları utilizə etmək lazımdır.
Nüvə silahı saxlanan 12 bazadan 5-i bilavasitə Moskvada və ya Ukrayna ilə həmsərhəd vilayətlərdə - Bryanskda, Moskva vilayətinin Mojaysk qəsəbəsində və Belqorodda yerləşib. Qalan 7-si ya Uralda, ya da Uzaq Şərqdədir.
«Rusiyanın təyyarələr üçün nüvə aviabombaları və 152 mm və 203 mm kalibrli toplar üçün atom mərmilərinin qalıb-qalmadığı barədə dəqiq məlumat yoxdur. Bəzi mənbələr təsdiqləyirlər ki, belə xüsusi döyüş sursatları 2000-ci illərin əvvəlində utilizə edilib» - Kiriçevski əlavə edib.
AzPolitika.info
Şərhlər