Ukraynanın Odessa şəhərində rus sərkərdəsi Aleksandr Suvorovun abidəsini söküblər.
Bu barədə cümə axşamı «Dumskaya» adlı yerli internet-nəşr Odessa şəhər şurasına istinadla xəbər verib.
Nəşrin məlumatına görə, Suvorovun abidəsini «Odessanın eyniadlı rayonunda dekabrın 28-də gecə söküblər». Nəşrin qeyd etdiyi kimi, söküntü işi İkinci Yekaterinanın abidəsinin demontajı ilə eyni vaxtda baş verib.
Xatırladırıq ki, noyabrın 30-da Odessa şəhər şurasının deputatları İkinci Yekaterina və sərkərdə Aleksandr Suvorovun abidələrinin demontajı və ərazidən çıxarılmasına səs veriblər.
AzPolitika.info
Şərhlər