Bu gün saat 12 radələrində bir nəfər naməlum şəxs banklardan birinin Yasamal rayonu ərazisində yerləşən filialına gələrək əlindəki dəmir linglə oranın işçilərini hədələyərək pul tələb edib.
DİN-in Mətbuat xidmətindən verilən məlumata görə, orada xidmətdə olan DİN-in Baş Mühafizə İdarəsinin əməkdaşlarının operativ və çevik hərəkətləri sayəsində həmin şəxs tutularaq zərərsizləşdirilib.
Onun Şirvan şəhər sakini, əvvəllər məhkum olunmuş 33 yaşlı İmran Əhmədov olması müəyyən edilib. Saxlanılan şəxsin üzərindən bir ədəd qaz tapançası, bir bıçaq və istifadə etdiyi dəmir ling polis əməkdaşları tərəfindən götürülüb.
Faktla bağlı Yasamal RPİ-də araşdırmalara başlanılıb.
Şərhlər
Hakimiyyət əhalinin dolanışığı ilə maqlanmalıdır.Baxın,insanlar yaşam üçün hansı hərəkələr etməyə məcbur ediib.Yalan faizlərlə baş aldatmağın vaxtı çoxdan keçib.İnsanlara kütləvi iş yeri,təminat.yaşam imkanı yaradılmalıır.Boş lıvğalıq nəticə verməz!