SEPAH-ın işğal dövründə Cəbrayılda narkotik anbarı yaratdığı məlum olub

"İranın İslam İnqilab Keşikçiləri Korpusunun (SEPAH) Azərbaycana qarşı düşmənçiliyinin əsas səbəbi Azərbaycan Ordusunun 2020-ci ildə Vətən müharibəsindəki böyük qələbəsi ilə bağlıdır".

Bunu "Report"a açıqlamasında Güney Azərbaycan milli hərəkatı üzrə ekspert, "Ərk" insan hüquqlarının müdafiəsi təşkilatının həmtəsisçisi Maşallah Rəzmi deyib.

Onun sözlərinə görə, SEPAH işğal dövründə Azərbaycanın Cəbrayıl rayonu ərazisində narkotik maddələrin saxlanılması və tranziti məqsədilə anbar da yaratmışdı.

"İllərdir oraya beynəlxalq alverçilər tərəfindən narkotiklər gətirilirdi. Əvəzində beynəlxalq sanksiyalara görə İran İslam Respublikasının təmin edə bilmədiyi ehtiyacların bir hissəsini beynəlxalq qaçaqmalçılar vasitəsilə ödəmək istəyirdilər. Yaxud eyni qaçaqmalçılar tərəfindən başqa ölkələrdəki müvəkkilləri üçün, o cümlədən Yəmən husiləri üçün qaçaq silah hazırlayırdılar. 44 günlük Vətən müharibəsindən sonra bu qeyri-qanuni imkan SEPAH-ın əlindən çıxıb və deyilənə görə İran İslam Respublikası hazırda öz müvəkkillərinə maliyyə yardımı, eləcə də silah verməkdə çətinliklərlə üzləşib. İşğaldan azad olunmuş ərazilərdə SEPAH-ın qeyri-qanuni fəaliyyəti üçün imkanların aradan qalxması onun Azərbaycan Respublikası ilə düşmənçiliyinin əsas səbəblərindən biridir", - M.Rəzmi vurğulayıb.

Qeyd edək ki, Maşallah Rəzmi hazırda Fransada mühacir həyatı yaşayır.

635x100

Şərhlər

Eli 2023-01-30 17:15:00

İran “İslam” Respublikasının İslam dini ile heç bir elaqesi yoxdur,onların fars molla ermeni rejimini Allahı pul ve narkotik qaçaqmalçılığı ve onda gelen gelirdir.Onlar İblise qulluq edirlerr ve tarixen bele olub.Bu gün İranda isrenilen eve get,sene tiryek ve araw getirecekler

Son yazılar