Finlandiya sabah rəsmi olaraq NATO-ya üzv olacaq

Finlandiya NATO XİN rəhbərlərinin sabah keçiriləcək görüşü zamanı rəsmi olaraq Alyansa üzv olacaq.

APA xəbər verir ki, bunu NATO-nun Baş katibi Yens Stoltenberq Brüsseldə keçirilən brifinq zamanı deyib.

Stoltenberq qeyd edib ki, sabah NATO ölkələrinin XİN rəhbərlərinin alyansın Brüsseldəki mənzil-qərargahında keçiriləcək görüşündə Finlandiya 31-ci üzv ölkə olaraq NATO-ya qatılacaq və bayrağı NATO qərargahının önündə qaldırılacaq.