Avropa İttifaqı Şurası Ukraynanı sursatla təmin etmək üçün 1 milyard avro vəsait ayrılmasını təsdiqləyib.
“AzPolitika.info” xəbər verir ki, bu barədə Avropa İttifaqı Şurasının yaydığı bəyanatda deyilir.
“Avropa Sülh Fondu”ndan pul Ukrayna silahlı qüvvələri üçün 155 mm-lik artilleriya mərmilərinin və lazım gələrsə, müxtəlif raketlərin alınmasına ayrılacaq.
“Ukrayna silahlı qüvvələrinin Ukrayna xalqını və ərazisini qorumaq üçün xeyli miqdarda sursata ehtiyacı var. Bu, onlara tez lazımdır. Biz bununüçün 1 milyard avro ayıracağıq və Aİ-nin Ukraynaya ümumi hərbi yardımını 5,6 milyard avroya çatdıracağıq”, – Aİ-nin ali nümayəndəsi Cozef Borrel bildirib.
Qeyd olunur ki, bu məbləğ 2023-cü il sentyabrın 30-dan gec olmayaraq bağlanacaq müqavilələrin maliyyələşdirilməsinə yönəldiləcək.
“AzPolitika.info”
Şərhlər