Mayın 10-da Peşəvərdə etirazçıların “Radio Pakistan”ın binasına hücumu nəticəsində xeyli ziyan vurulub, milyonlarla dinləyicisi olan tanınmış musiqiçi və müğənnilərin Puştu və Urdu dilində mahnıları məhv edilib. Hücum nəticəsində tanınmış dramaturqların Puştu və Urdu dillərində orijinal və nadir əlyazma dram ssenariləri, müxtəlif mövzularda kataloqlar və kitablar yandırılıb.
“AzPolitika.info” yerli mediaya istinadla xəbər verir ki, hücum, həm də tanınmış sufi şairi Rəhman Baba və azadlıq döyüşçüsü Xuşal Xan Xattakın kitabları da daxil olmaqla, təxminən 2000 tarixi və ədəbi kitabın məhv edilməsi ilə nəticələnib.
Üstəlik, 1947-ci il avqustun 13-dən 14-nə keçən gecə Pakistanın Müstəqillik Gününün elan edilməsində mühüm rol oynamış televiziya aparıcıları Əbdül Can Maqmum, Aftab Əhməd və Qari Məhəmmədin nadir fotoşəkilləri yoxa çıxıb. Adi lentlərdən rəqəmsal formata çevrilən nadir bədii filmlərə, dini kitablara, milli mahnılara ciddi ziyan dəyib.
1935-ci ildə Peşəvərdəki mülki katibliyin otağından yayıma başlayan “Radio Pakistan” zəngin tarixə malikdir. “Radio Pakistan” 1985-ci ildə keçmiş Prezident general Məhəmməd Ziyaülhaqq tərəfindən açılışı edilən indiki binaya köçürülüb.
"AzPolitika.info"
Şərhlər