Macarıstanın Baş naziri Viktor Orban Ukraynanın Rusiyaya qarşı müharibədə qalib gələ bilməyəcəyini bildirib.
APA xəbər verir ki, bu barədə Baş nazir Orban "Bloomberg"ə müsahibəsində deyib.
"Rəqəmlərə, ətrafa nəzər saldıqda, NATO-nun qoşun göndərməyə hazır olmadığını gördükdə, döyüş meydanında yazıq ukraynalıların qələbə qazanmadığı açıq-aydın görünür”, - Orban bildirib.
Orban qeyd edib ki, müharibə yalnız Rusiya ABŞ-la razılığa gələndə dayandırıla bilər.
Macarıstan hökumət başçısı Orban Donald Trampın ABŞ-da gələn il yenidən seçkilərdə qalib gələcəyinə ümid etdiyini deyib. O bildirib ki, hazırkı Prezident Co Bayden ilə ziddiyyətli münasibətlərinə baxmayaraq, ABŞ-ı tənqid etmək biznes və əməkdaşlıq üçün yaxşı deyil.
Şərhlər
Orban tamamilə haqlıdır.Ukrayna parçalanmağa məhkumdur.1939-da Polşa parçalandığı kimi.Bu,ABŞ-la Rusiyanın separat qərarıdır.Ukrayna parçalanacaq.Bunun heç o yan-bu yanı yoxdur.Ara yerdə yazıq,bədbəxt Ukrayna xalqı qırılır.