Avropa Birliyinin xarici işlər naziri Federika Moqerini 5+1 qrupunun (ABŞ, Böyük Britaniya, Fransa, Rusiya, Çin və Almaniya) İranla apardığı nüvə müzakirələrindən danışıb.
“Media forum” saytının məlumatına görə, noyabrın 20-də jurnalistlərə açıqlamasında Moqerini deyib: “Ümid edirik ki, Vyanada aparılan danışıqlarda müzakirə tərəfləri mükəmməl və uzunmüddətli razılığa gələcəklər və bununla da beynəlxalq ictimaiyyətin İranın nüvə proqramı ilə bağlı nigaranlığına son qoyulacaq.
İndi yekun və tarixi razılaşmanın əldə olunması üçün İran strateji bir qərar qəbul etməlidir. Bu addım atılarsa, İranla dünya birliyi arasında münasibətlərin yeni dövrü başlanacaq”.
İranla 5+1 qrupu arasında Vyanada aparılan nüvə danışıqlarının noyabrın 24-ə qədər nəticə verəcəyi gözlənir.
Şərhlər