Rusiya Federal Təhlükəsizlik Xidməti (FSB) “Telegram”, “WhatsApp” və “Signal” messencerlərinin istifadəçilərinin fəaliyyətini izləməyi öyrənib.
“AzPolitika.info” xəbər verir ki, bu barədə “The New York Times” qəzeti yazır.
NYT jurnalistlərinin gördükləri sənədlərdə təsvir edilən proqramlardan biri insanların “Telegram”, “Signal” və “WhatsApp” kimi şifrəli proqramlarda səsli zənglər etdikdə və ya faylları göndərərkən aşkarlaya bilir.
Məqalədə deyilir: “Proqram müəyyən mesajları ələ keçirə bilməz, lakin o, kiminsə bir neçə telefondan istifadə edib-etmədiyini müəyyən edə bilər”.
Proqramın başqa bir funksiyası istifadəçilər arasında ünsiyyətə əsaslanan xəritə yaratmaq, digər insanlarla ünsiyyəti izləmək, həmçinin müəyyən bir gündə müəyyən yerlərdə olan bütün telefonları müəyyən etməkdir.
Qəzetin yazdığına görə, bu, telekommunikasiya infrastrukturuna birbaşa qoşulan sadə proqramdır. Nəşrdə qeyd olunur ki, daxili qeydlərə çıxışı olan bir şəxsdən yüzlərlə proqram faylı alıblar.
Məqalədə o da göstərilir ki, şifrələnməmiş internet saytlarına daxil edilmiş parolları toplamaq qabiliyyətinə malik başqa bir proqram var, üçüncü proqram isə sosial şəbəkələrin anonim istifadəçilərini müəyyən etmək və insanların hesablarını sındırmaqdır.
Bundan əvvəl “Telegram”-ın yaradıcısı Pavel Durov messencerdə təhlükəli boşluq olduğunu inkar edib və Rusiya mediasını tənqid edib.
Rüfət
AzPolitika.info
Şərhlər