İyulun 26-da Moskvada 19-cu əsrin sonundan bəri ən güclü leysan qeydə alınıb.
APA-nın məlumatına görə, bu barədə paytaxtın kommunal xidmətlər kompleksinin Telegram kanalında məlumat verilib.
“Meteoroloqların fikrincə, 19-cu əsrin sonlarından bəri ən güclü leysan bu gün paytaxtda yağıb. Bir neçə saat ərzində 46 millimetrə qədər yağıntı düşüb”, - məlumatda deyilir.
Əvvəlki rekord 1894-cü il iyulun 26-da qeydə alınıb. Həmin gün 42,5 millimetr yağış yağıb.
Sinoptiklərin proqnozlarına görə, yaxın günlərdə güclü yağışlar davam edəcək.
Şərhlər