Latviya hökuməti sentyabrda bir neçə min Rusiya vətəndaşından ölkəni tərk etməyi tələb edə bilər.
“AzPolitika.info” yerli mediaya istinadla xəbər verir ki, bu barədə Seymin Vətəndaşlıq və Miqrasiya Komissiyasının rəhbəri İnqmar Lidaka bildirib. Onun sözlərinə görə, söhbət yaşayış icazələrini yeniləmək üçün səy göstərməyən beş-altı min nəfərdən gedir.
Lidaka qeyd edib ki, rəsmi məktublar yeni qaydalara əsasən Latviyada yaşamaq icazəsi almamış və dövlət dili imtahanından keçməmiş Rusiya vətəndaşlığı olan şəxslərə ünvanlanacaq.
Məlumatı Latviyanın Daxili İşlər Nazirliyi təsdiqləyib. Departamentdən bildirilib ki, sərəncamı aldıqdan sonra onun ünvançıları 3 ay ərzində Latviyanı tərk etməli olacaqlar. Əmrə əməl etməmək cərimə ilə cəzalandırılır, buna görə cinayət məsuliyyəti yoxdur. Lakin qanunla Latviyada yaşamaq hüququnu itirənlər ölkədən çıxarılmalı olacaqlar.
Latviyada xüsusi statusa malik 25 317 Rusiya vətəndaşı yaşayır. Rusiya pasportunu almamışdan əvvəl onlar Latviya vətəndaşları və ya (əsasən) qeyri-vətəndaş adlandırılan şəxslər idi.
2022-ci il sentyabrın sonunda Latviya parlamenti - Seym belə insanların 2023-cü il sentyabrın 2-dən daimi yaşayış icazələrini qanuni olaraq ləğv etdi. Latviyada yaşamaq hüququnu saxlamaq üçün onlar yeni prosedura əsasən yaşayış icazəsi üçün müraciət etməlidirlər. Bunun üçün onlar Vətəndaşlıq və İmmiqrasiya İşləri İdarəsinə latış dilini bilmək haqqında sertifikat təqdim etməli və son bir il ərzində aylıq gəlirin minimum əmək haqqından (2023-cü ildə 620 avro) aşağı olmadığını və ya Latviya pensiyası aldığı haqda arayış təqdim etməlidir.
“AzPolitika.info”
Şərhlər